–
Aruba su prome partido riba suela africano a resulta den victoria, awor nan lo enfrenta Liechtenstein diadomingo benidero den e partido di ganadornan
Partido hunga na stadion Kigali Pele, unda Aruba a domina e ekipo asiatico di Macao, antiguo colonia portugues cu awor ta parti di China, y ta gana cu anotacion di 4-1.
Golnan a cuminsa cay trempan caba na minuut 5 di Carlito Fermina pa habri marcacion. Sigui pa dos gol consecutivo di parti di Jaybrien Romano na minuut 13 y 16, Aruba ariba 3-0. Den di dos tempo Conner van Kilsdonk ta hasi e wega 4-0 cu su gol na minuut 66.
–
Aruba vs Macao – Atras r-d: Lentink, Paul, Poulina, Nedd, Fermina, Ostiana. Dilanti r-d: Roberta, Martis, Leito, Romano, Bennet – Foto cortesia AVB
–
Macao ta anota nan unico gol di e partido casi na final di e partido, na minuut 88 di e hungador Amancio, pa haci e wega 1-4. Esey mes ta bira e resultado final, unda Aruba ta clasifica pa hunga e siguiente partido contra e ganador entre Tanzania y Liechtenstein. Den e partido aki e pais europeo a gana cu e minimo anotacion di 1-0, un sorpresa chikito realmente unda hopi a duna Tanzania como paborito pa gana e wega. E ultimo partido di Aruba lo ta anto diadomingo awor dia 29 di Maart pa 12or ora di Aruba na stadion Pele na Kigali, capital di Rwanda.
–
